Violencia domestico ta keda alarmante na Aruba.

Riba red nan social por a nota cu ultimamente tin hopi caso di violencia domestico ta bin dilanti.
Hopi victima ta purba expresa nan tragedia via plataforma social pa asina busca un salida di e abuso y alabes consientisa otro nan.
Durante di weekend tambe por nota cu tin mas y mas problema entre pareha cu ta escala y sali for di man. 

E por ta dificil pa reconoce e señal nan di violencia domestico.
Con pa reconoce si bo ta un victima? 
- Bo pareha ta insulta bo constantemente.
- Bo ta prohibi di sali bay traha, studia of wak familiar y amistad nan.
- Bo ta pareha ta jaloers y posesivo.
- Bo pareha ta menasa bo cu violencia y/of cu arma.
- Bo pareha ta golpia, pusha, bofta, choca of causa cualke otro daño na bo curpa.
- Bo pareha ta obliga bo tene relacion sexual contra di bo boluntad.
- Bo pareha ta culpa bo di su comportamento y ta bisa cu bo merece. 

Mayoria bes un abusador no lo cambia y pesey e ta importante pa bo reconoce e señal nan na tempo. 
Aunke cu ta den un relacion “toxico” a bira popular awendia, e ta importante pa distingui si ta trata di un relacion abusivo.