¡Increibel! Famia Colombiano ta nombra nan yiu ‘Chat Yipiti’ pa honra AI, y mundo ta reacciona.

Un pareha Colombiano a haya un manera peculiar pa duna un atributo na e era di inteligencia artificial: nan a nombra nan yiu “Chat Yipiti”, inspira pa e programa AI ChatGPT. A pesar di su nomber no usual, e registro a keda aproba na Oficina Nacional di Registro den pueblo di Cereté, pero e noticia a genera un tormenta di reaccionnan riba medionan social.
Segun medionan local, e mayornan a bisa cu nan a duna e nomber como un “homenahe” na tecnologia, Pero hopi hende ta cuestiona: E yiu lo por sufri burla of discriminacion den futuro?
Colombia tin un historia di registra nombernan creativo y controversial, algun inspiracion ta bin for di artista, deporte, cine y musica, manera “Maicol Yordan” y “Brayan Spears”. Sinembargo, e registro civil a prohibi nomber cu por daña dignidad di un persona, manera “Miperro” òf “Satanas”.
Abogado di Bogotá, Jose Francisco Guerra, a splica:
“Un oficial por nenga un nomber si e ta indecente, un burla, of si e ta discriminatorio pa un yiu.”
Den Latino America, ta comun pa topa variacion di nombernan inspira pa Hollywood, telenovelanan, y hasta productonan famoso. Pero expertonan ta alerta: un nomber no usual por ta fuente di burla, afectando autoestima y bienestar emocional di un mucha.