Mucha ta scapa milagrosamente despues di ta pega pa 3 dia den ruina di teremoto.

​

Despues di e horibel teremoto na Indonesia, un menor a keda pega bou di tur e ruinanan pa tres dia largo. Devastador ta, cu den e mesun lugar bou di tera cu e mucha tabata pega, tabatin 271 persona morto. Azka, e mucha homber di 6 aña, a scapa di puro milager. Ora nan a logra sac’e di e buraco, unda e tabata pega, tur hende tabata emociona y a cuminsa yora, paso esaki tabata un gran milager. E ekipo di emergencia di Indonesia a bisa tambe, cu despues di 72 ora cu un hende ta pega bou di e ruinanan aki, ta hopi dificil pa haya sobreviviente.