Pronto Santo Carlos Acutis e “influencer di Dios” cu dos milagro afirma pa iglesia catolico.

​

E hoben Carlos Acutis pronto lo wordo decalara Santo por medio di Papa Francisco di Iglesia catolico. E hoben aki lo ta e prome Santo millenial.

Despues cu Iglesia catolico a reconoce dos milager di Carlos Acutis Papa Francisco a declara cu lo reconoce como Santo Carlos Acutis mihor conoci como “ Influencer di Dios” 

Carlos Acutis a muri cu 15 aña na aña 2006 di leucemia. Acutis a nace na London 3 mei 1991. Su mayornan a muda pa Italia momento cu Acutis tawata baby ainda. For di hoben Acutis a mustra un interes grandi den sirbi Dios y cu un fe fuerte, aunke su mayornan niun di dos no ta devoto na niun religion y nunca a hiba Acutis niun misa.
Su mama Antonia Salzano a bisa cu for di 3 aña Acutis ta pidi pa hibe misa. Momento cu tur su amigo nan tawata bay hunga pafo Acutis tawata den cas ta reza, su mama semper a pensa cu e lo a bira Santo reconoci pa Catolico.

Su prome milager a sosede cu un mucha barizleño di 7 aña di edad cu a cura di un malesa mortal congenito na su pancreas. Segun investigadornan di Iglesia catolico e mucha a bin den contacto cu un t-shirt di Acutis y a cura completamente. 

Acutis a wordo beatifica na aña 2020 despues cu papa Francisco a reconoce e milager di e mucha di Brazil. 

E di dos milager di Acutis ta un mucha muhe di 21 aña di Costa Rica, Valeria Valverde, cu a sufri lesion fuerte despues di un caida cu biciceleta na aña 2022 na Florencia, Italia.
Valverde a keda sin por cana y riba machine respiratorio. (vegatal) 
E mama di Valeria a reza pa sanacion di su yui na Acutis y a laga un carta pa Acutis sana su yui. Dos dia despues di a reza ba Acutis, Valeria a cuminsa cana y hala rosea riba su mes y a cura completamente, segun Vaticano esaki ta e di dos milager di e “influencer di Dios”.

Segun regla Catolico, momento cu Papa reconoc dos Milager di un persona beatifica e Papa mester pone un fecha pa e persona wordo declara Santo.

Ta sperando riba un fecha di Vaticano pa Acutis bira e prome santo Millenial, San Carlos Acutis, Influencer di Dios.