Video graba durante concierto ta desemascara infidelidad di pareha.

​

E Mexicana, Eli Garcia, a sorprende e comunidad di TikTok, cu danki na un video cu e banda durante un concierto cu nan mes a publica, el a haya sa cu su pareha ta infiel. Eli cu su pareha tin un relacion di distancia y esaki no a termina mucho bon. E banda musical aki; MS, ta den un gira y e banda aki ta publicando diferente video di nan fanaticadanan den publico di durante gira. Riba e pagina oficial di e banda tin video di un pareha feliz, cu ta bailando y gosando di nan concierto. Sinembargo Eli, cu ta e pareha oficial, a haya e video aki hopi straño, paso el a wak cu ta trata di su prometido di 2 aña. El a bisa cu su pareha a bis’e, cu e ta bay e concierto cu un amigo pelukero. Pero esey a resulta den un grandisimo mentira. Den e comentarionan hopi hende ta bisa, cu e dama cu e homber a comete infidelidad cu ne, ta parce su casa mes y no su amante. Pues e pregunta y curiosidad a bira, cu kisas Eli mes ta e amante ‘scondi’ y no esun riba e video.