Caso contra Sean "Diddy' Combs pa crimen organisa y trafico sexual a cuminsa. 

​​

Caso contra Sean “Diddy” Combs pa crimen organisa y trafico sexual a cuminsa.

E caso contra e magnante musical Sean “Diddy” Combs a cuminsa cu revelacionnan impactante cu ta sacudi e mundo di entretenimento. E artista di 55 aña, icono di hip hop y fundador di Bad Boy Records, ta enfrenta cargonan serio cu por trese un castigo di bida den prison.
Cu consentimento of forsa?
Esei ta e punto prinsipal den e debate cu ta tumando luga den corte federal na New York. E prome declaracionnan den corte a mustra detaye di fiestanan priva yama “Freak Offs”, caminda – segun fiscal – Diddy a forsa muhenan pa tuma parti den e actividad sexual bou di menasa, uso di droga y violencia.

Cassie Ventura y “Jane”, e voznan prinsipal den e caso
Cassie, ex-pareha di Combs, a denuncia abuso fisico y phycologico cu a dura varios aña. E otro acusado, nombra “Jane”, ta bisa cu Diddy tambe a manipule y forse pa usa droga pa cumpli cu su deseonan.
Video como prueba fiscal a bisa cu nan lo mustra grabacionnan di e “Freak Offs” como prueba di abuso. Defensa ta contra e afirmacion, y ta insisti cu tur loke a tuma luga tabata entre adulto cu consientisacion.

Kico e defensa ta bisa?
Aunke nan ta admite cu Combs a comete actonan violento, nan ta sostene cu no ta trata di traficacion sexual. “Tabata violencia domestico, no crimen organisa,” segun su abogadonan.
E caso ta sigi... y esaki por trese mas sorpresanan
Cu testigonan prinsipal ainda pa declara y pruebannan visualnan nobo cu ta bai ser presenta, e caso aki por bira un di e casonan di mas polemico den mundo di farandula.