Tata ta crea un remedi aproba legalmente pa salba su yiu di un condicion di salud no comun.

​

Terry Pirovolakis director di IT na Toronto, Ontario a yama bon bini na su di tres yui homber den December 2017. E tawata un parto normal di un baby saludabel, pero despues di 6 luna e cu su casa Goergia a ripara cu nan baby no tawata lanta su cabes. E baby no tawata move manera un baby di 6 luna mester move. Micheal a wordo diagnositica cu un malesa cu solamente 100 hende na mundo tin y no tin cura pe. 

Despues di 18 luna di test y mas test un neurologo a diagnostica baby Micheal cu Paraplegia 50 (SPG50), un condicion neurologico. Terry ta conta cu na hospital nan a bise “bay cas y dune hopi amor y cu pa 10 aña micheal lo ta paralitico y pa 20 aña un persona vegetal. “Dokter a bisa cu e baby nunca lo cana ni papia” e tata a declara. 

Un luna despues di e diagnostico devastador aki e tata e renuncia na e idea cu su “baby boy” lo no papia ni cana nunca mas. Terry a cuminsa hasi su mesun investigacion medico riba e condicion di su yui y posibel tratamento. Terry a cuminsa bishita tur conferencia medico rond di merca riba e tema di “gene therapy”. 
E tata a cuminsa traha cu un lab na spaña cu ta traha remedi pa cu un tratamento pa por yuda su yui. Durante su investigacion un profesor medico di London a yude cu un remedi pa e condicion di su yui.

Na maart 2022 despues di 2 aña bringando cu e gobierno di Canada, nan a aproba un tratamento di gene. Dos luna despues Micheal ta bira e prome persona pa ricibi e tratamento aki na mundo. E procedura ta inclui inyecta liquido celebral.

Awe e ta un tratamento cu hopi mayor ta buscando pa yuda nan yui cu e mesun condicion. 

Micheal ta cana y papia pero mester hopi mas tratamento pa biba un bida normal. Dokternan a keda impresiona pa e perseverancia y dedicacion di un tata pa haya un cura pa su yui, cu awo por yuda otro patient cu mesun condicion.