Fesco ta un cacho di 5 aña masha lief mes segun e doño di e shelter unda e ta kedando. E storia di Fesco ta uno hopi tristo.

Tur cos a cuminsa ora cu e doño di Fesco a pensa cu e ta gay pasobra cu e ta gusta subi cacho nan macho. For di momento cu e doño a ripara esey, su amor pa e cacho a caba y a bandona e cacho cinco biaha riba caya. Tur cinco biaha Fesco a logra haña su caminda pa cas bek. Cada biaha cu e regresa cas e tawata haña rechaso di su doño. E doño a haña un rabia asina grandi riba Fesco pasobra e tawata pensa cu e ta gay te cu ela hibe veterinario pa mate. E dokter di bestia no a mata Fesco, pero a hibe un shelter despues di a tende cu su doño kier mate pasobra e ta pensa cu e cacho ta gay. Awoki Fesco ta den un shelter na Stanley County, North Carolina. Naturalmente e reaccion di e doño di Fesco ta absurdo pasobra cacho macho mayoria biaha ta actua asina pa marca teritorio y ta subi otro cacho macho y si Fesco ta gay mes kiko ta e problema?

E shelter ta spera cu pronto Fesco haña un doño nobo cu ta stime y cu por dune un bon hogar.