Rapper Tekashi 69 a regala mas di 40 mil dollar na un zona pober di Ecuador.

Daniel Hernández (26), mihor conoci como Tekashi 69, ta un cantante y compositor, naci na Merca, pero di origen Latino. Recientemente el a sorprende su siguidornan riba su rednan social, ora cu el a haci un bunita acto di donacion na un zona hopi pober na Ecuador.

Riba su cuenta personal di Instagram e artista a comparti un video y potret di su generoso accion. 
Riba e video bo ta wak e bandera di Ecuador riba e lomba di e rapper como tambe por wak, con e ta bay na diferente zona rural di e pais y ta parti placa na tur hende.

E rapper a comparti un tremendo mensahe riba su rednan social: "Tur dia nos ta gasta hopi placa riba sapato, paña, auto, pero realmente no tin un sensacion mas dushi cu yuda esunnan cu di berdad mas tin mester di dje!"