Mucha homber ta uza e placa cu el a spaar pa evita cu otro mucha ta sigui bully un compañero.

​

E storia di Melo y Melvin a bay viral, danki na e gesto noble, cu el a haci pa su compañero di klas. E meneer Bryant Brown, coordinador di un scol na Buffalo, Merca, a comparti e storia aki. Melo a conta meneer Brown, cu e tabata cansa, cu otro studiante tabata bully Melvin pa su sapato. El a dicidi di cumpra un keds Nike cu su placa, cu el a spaar pa su amiguito. E mucha a bisa, cu el a haci esaki, paso e sa con e mucha ta sinti, cu nan ta bully bo, paso na su scol anterior e mes a sufri masha hopi mes di bully, door di su estatura.