Hopi biaha ora bo wak bo artista preferi of bo social media inlfuencer su pagina di Facebook/ Instagram bo ta keda impresiona pa su curpa bunita y cara impecabel. Mayoria biaha tur su potretnan ta pasa den un programa di photoshop asina profesional cu ta cambia e persona completamente.

​

Social media influencer Rianne Meijer a disidi cu ta basta di gaña su seguidornan cu potret cu ta photoshop. Meijer tin miles di siguidor riba social media cu ta "follow" e pa su curpa bunita su cara impresionante su wowo di color sin sa cu tur esey ta photoshop. Meijer a bisa su siguidornan "mi ta un persona mescos cu bo, comun y coriente cu tur su defectonan pero ta social media y photoshop a crea un otro persona cu mi no ta". 

​

Meijer a publica tur su potretnan cu a haña miles di like banda di esun sin photoshop y e cambio berdad ta impresionante!!!

Cu e realidad aki Meijer kier habri wowo di tur hende cu ta sigui social media influencer pa tene cuenta cu realidad y Instagram ta dos mundo completamente diferente. Hopi biaha un social media influencer kier laga bo kere cu e tin un bida casi perfecto, siendo cu realidad ta otro.