Maestra di scol ta duna su muchanan di kleuter klas mangel di marihuana.

​

Cuatro menor a bay hospital den emergencia riba e dia di Halloween. E autoridadnan concerni a ricibi un yamada dialuna ultimo, door di un emergencia medico di e scol Primrose di Prosper, ubica na Dallas, Merca. Tabata trata di cuater mucha di e mesun klas, cu a bira malo y mester a transporta nan pa un hospital di mas cerca.

Di e cuater muchanan hospitalisa, tres por a bay cas despues y uno a permanece hospitalisa den condicion stabiel, segun e autoridadnan. Segun e investigacion y resultado na hospital, e cuatro muchanan aki e bira malo door di exposicion na THC.

E scol a declara cu despues cu autoridad local a señala e maestra como esun responsabel, inmediatamente nan a kita y a detene e maestra aki. E noticia aki a afecta tur e mayornan paso nan no sa kico tur nan yiu por a pasa aden durante e aña escolar den e man di e maestra aki. A ingresa Anisah Burks, di 35 aña, den e prizon y tin varios cargo pa enfrenta, entre nan, un cargo di mayor posesion di substancia controla y cuatro di lesion na un mucha.