Chris Strick un personahe masha stima den mundo di farandula na Curacao. Chris tin 40 aña di edad y a cuminsa for di 14 aña den e mundo di farandula. Chris ta conoci na Aruba, Curacao, Bonairo pa su tv show cu yama "Kabe'i Boto". Chris a conta cu semper a busce pa haci un programa na television pero e no tabata tin interes den esaki, Herman a bin cu e idea/concept di "Kabe'i Boto" anto apesar cu Chris no tabata tin interes di haci un programa di Television e la haña esaki apart y e la bay acuerdo cu Herman su idea. Despues Michael Cijntje tambe a participa den e idea di e tv show, Michael a crea e manera di edit anto di ey nan e team a cuminsa cu tur e preparacion pa asina nan por a cuminsa cu e programa. Nan a caba cu e di 4 temporada cu tabata esun mas exitoso cu tur e otro temporada nan e la kibra record. 

​

Chris a cumpli cu mayoria di su metanan caba. Actualmente e ta bezig cu su meta di baha peso, e la baha 30 kilo caba anto Chris a bisa nos e kier sigui baha mas y e lo bay logra esaki. Chris ta desea pa su yiu tin un futuro briante su dilanti anto e ta yuda su yiu y lo sigui yuda su yiu mas cu e por. Chris no tin hopi tempo liber mane antes mas pero ora e haña tempo e gusta haci muziek. Chris a conta nos cu e la  studia comercial marketing na Hulanda pero e no a caba su scol, su ultimo stage e mester a haci di nobo pero e la fada anto e la bay Curacao bek sin cabe, pues e no ta regret tampoco. Den e ultimo tempo nan aki Chris a traha cu Jeon, HNLY, Dongo, Randy. Pues, Da Ridlaz ta biniendo bek cu nan di 5 album pronto. 

​

Chris ta bin hopi Aruba pero actualmente Chris ta bibando na Curacao. E la haña un oferta grandi pa e bin biba na Aruba pero e no ta cla pa haci esaki ainda, nan a bise cu nan lo bolbe bek cu e oferta aki y e no lo por bay nenga. 

​

Finalmente Chris su conseho pa e hobennan cu tin un soño y no sa unda pa cuminsa ta pa haci locual bo kier haci. Chris a bisa cu e ta un persona cu tur cos cu e la bisa cu e kier cumpli e la cumpli sin worry ora hende nan a bise cu e no ta bay so posible pa e cumpli cu su metanan e la demostra cu si e por. Kere den bo mes anto make things happen. 

​

​