Listen Live !

Watch Live !

Minister Dangui Oduber "Nos por tin diferencia di opinion, pero mester keda trata otro cu respet tur momento".

Awe team Ivo 4 Life ta presenta e di tres politico di siman

Nomber completo y fecha di nacemento?

Danguillaume Pierino Oduber
13-07-1978

Conta nos un tiki di minister su infancia, cua scol Minister a bay, hobby y kico tawata e prome funcion cu minister kier a eherce tempo bo tawata chikito?

Mi a nace na Meiveld na aña 1978 y despues di 1 aña nos famia a muda pa Ponton caminda mi a wordo lanta. Mi a lanta den un famia político. Di e tempo ey mi tata tawata politico y despues di fayecimento di Betico Croes, e la bira lider di MEP cu a haci cu e la keda 35 aña den politica. Na cas semper mi mayornan a inculca den nos norma y balornan hopi halto. Nos educacion tawata pa nos semper trata nos prohimo cu respet, panos studia y traha duro pa tur locual nos kier logra den bida.

Nos tawata bai misa tur diadomingo y despues di misa nos tawata pasa bishita mi wela, Mama Felepa naSiribana 4, caminda nos ta topa cu ful famia. Esaki nan ta memorianan di dushi tempo cu nunca mas mi lo lubida.

Mi tin memoria super bunita di e tempo cu mi a lanta na Ponton. Tawata un bario cu masha hopi mucha di mesun edad cu tawata topa otro pafo y hunga practicamente tur atardi cu otro. Nos tawata hungabaseball, futbol, careda di bicicleta, cana den mondi y topa tur atardi pa combersa y pasa pret. Te dia di awemi tin bunita amistad cu mi amigonan di infancia di Ponton.

For di chikito mi tawata gusta deporte y mi tawata practica e deportenan di tennis, futbol, baseball y atletiek. Tempo mi tawata mucha mi tawata campeondi tennis y loke mi tawata kier a bira e tempo ey, dus pa mi carera profesional, ta un hungador profesional di tennis. Di ora mi yega cas for di scol mi tabata haci mi huiswerk y despues mi coach di tennis, defunto Eddy Ras, tawata pasa busca mi pa pasa mi atardi riba cancha di tennis. Te atardi laat mi tabata bolbe bek mi cas y esaki tawata 5 bes pa siman.

Mi a bai scol basico den Madiki Colegio Bon Bini, sigui pa Mavo La Salle College, despues mi a sigui pa Colegio Arubano. Ora mi a termina Colegio mi a siguimi estudio na Rotterdam Hulanda, unda mi a bai Hogeschool InHolland caminda mi a studia management economie en recht.

Con minister a drenta politica? Pakico minister a scohe partido Mep y cuanto voto minister a haña den bo prome salida?

Mi entrada den politica no tawata dificil den e sentido cu den mi bida mi no a conoce nada otro cu ta politica. Mi a nace y lanta den un famia politico, un legado impresionante cu mi tata a laga atras. Mi tata a sirbipais Aruba pa 35 aña largo di cual 25 aña como lider di MEP y na 4 occasion como prome minister di Aruba. For di mucha, hopi jong caba, mi tawata sali bai campaña cu mi tata cas pa cas temporada di eleccion. Mi tawata bai cune su reunionan di contacto y semper politica a fascinami y semper mi gusta yuda hende caminda mi por. Mi a sinti un yamada pa drenta politica pasobra mi kier a contribui na e progreso y biniestar di nos dushi Aruba. Mi kier a usa mi talentonan cu Dios a dunami pa yuda mi pais.

Como cu mi a nace MEP y semper mi a sinti mi mes identifica cu e ideologia social democrata pa traha pa e clase trahado, mi a scohe pa sigui e pasonan di mi tata y forma parti di prestigioso Partido MEP.

E prome eleccion na aña 2013 mi a logra 1749 voto.

By: Zaynah Yanez

9 october 2024

Cua ta e logro di mas grandi como minister di turismo? Y e logro mas grandi riba tereno di salud?

Turismo
Mi ta convenci cu e lorgro di mas grandi como Minister di Turismo ta percura pa Aruba recupera su turismo despues di e pandemia y como tambe cu a recupera cu e miho resultadonan di turismo den historia di pais Aruba. Turismo ta nos unico pilar economico y Aruba ta e di 3 pais na mundo cu mas ta depende di turismo. Na Aruba tur hende directo o indrecto tadepende di turismo y e responsabilidad ta grandi papercura pa turismo bai bon, crece y genera enrtrada papais Aruba.

Tempo di e crisis di e pandemia nos a bai di 2 miyon turista pa 0 turista y tawata momentonan di hopi tension y stress. E tawata mustra cu no tawata posibel mas pa turismo yega bek na e nivelnan prome cu pandemia. Nos mester a pensa riba un strategia di recuperacion. Y na ningun momento mi a duda, cu hopi fe, perserverancia y conviccion mi a anuncia e “exitstrategy / recovery strategy” riba 18 januari 2022 paAruba por a sali for di e pandemia.

Awe na aña 2024 no solamente nos a yega bek na e nivelnan di cifra di turismo di prome cu pandemia, pero nos a surpasa e nivelnan aki, asina cu actualmente nos turismo ta esun di mas exitoso den historia di país Aruba. E logro aki mi ta considera hopi grandi pasobra henter economia di nos pais ta depende di turismo y mi ta sinti cu mi a cumpli cu mi responsabilidad di
1. trece turistanan bek,
2. percura pa trece turistanan di Calidad y
3. percura pa un crecemento economico di 11%.

Turismo na aña 2019 a produci 3.7 biyon florin y naaña 2023 a produci casi 6 biyon florin pa nos pais. E placa cu turismo a produci a bai pa aumenta pensioendi biehez, inverti mas di 100 miyon florin den cuido medico, aumenta bijstand, aumenta gehandicaptenuitkering, mehora seguridad, inverti den educación, inverti den deporte y percura pa mehora nos producto Aruba.

Tur e indicadornan cu ta midi exito di turismo a confirma cu aña 2023 y 2024 te cu awo, tin e mihoresultadonan den historia di economia di Aruba.

Salud
Riba tereno di salud e logro di mas grandi ta e inversionnan cu nos a haci den cuido medico pamehora calidad y servicio di cuido. Nos a percura pa inverti mas di 100 miyon florin den cuido medico. Di e forma aki nos na Aruba tin e miho centro di radio terapia den henter Caribe. Awendia ta posibel papashentnan haya bestraling na Aruba mes den compania di nan sernan keri. Ya caba na Aruba 1000 pashent a wordo trata akinan mes y no mester a wordomanda den exterior. Nos a percura pa 22 cama naImSan bira operacional, cumpra 4 ambulance nobo y busca mas dokter di cas y mas specialistanan pa atende cu e presion cu tin riba cuido medico.

Sigur un otro logro cu mi ta hopi orguyoso di dje ta nos plan nacional di prevencion. E vision pa esaki ta pa tur hende cu ta biba na Aruba tin e miho calidad di bida, liber di malesanan cronico cu lo mester wordo logra door di cambionan den comportacion sostenibel. Y e meta ta pa aña 2030 reduci mortalidad y tambe reduci e cantidad di personan cu ta sufri di malesanan crónico.

Ta dificil pa tin dos cartera asina importante bou mesun ministerio?

Tur cartera tin su retonan. Den practica e comibinaciondi ministerionan di turismo y salud publico a resulta di ta un bon combinacion y especialmente durante e pandemia. Nos a traha fuerte riba e parti di salud y asina por a bin cu maneho special cu a permiti cu Aruba por a habri su portanan pa nos bishitantenan. Decisionnan importante por a tuma lugar di biaha pasobra ambos cartera ta resorta bao di mi ministerio. Pues sigur e combinacion aki a mira su frutonan den tempo nan di mas duro cu Aruba a conoce. Turismo tanos unico pilar economico, henter e pais ta depende di turismo y salud ta trata cu bida di hende cual sigur tahaci cu e dos carteranan menciona tin su retonan cu no ta tur ora facil.

Tin deseo pa keda cu e mesun cartera den un siguiente gobernacion? Kico falta pa logra ainda?

Un banda si pa asina por caba di ‘’rond af’’ e trabounan cu no a logra termina. Den dos termino di gobernacionnos a perde sigur casi 4 anja di gobernacion debi na 2 anja di pandemia como tambe caida trempan di Gabinete Wever Croes 1 y 2. Esey ta pone cu hopi proyectonan di importancia grandi pa pais Aruba no por a wordo cristaliza y pesey un banda si ta desea pa mantene e carteranan aki.
Di otro banda mi ta gusta retonan nobo y sigur lo ta habri pa un otro reto.

Un plan hopi ambicioso cu nos a cuminsa cune ta pa desmantela e refineria y bin cu un desaroyo economiconobo y distinto pa San Nicolas. Nos lo tin deseo pa desmantela e refineria, remedia e tereno, construi un marina pa yatenan luhoso y terminal crusero y percurapa tin terenonan disponibel pa un Proyecto di cas cu tacasnan cu ta affordable pa nos localnan. Esaki lo creacuponan di trabou pero mas importante un spinoff economico grandi pa pariba di brug y crea e balansanecesario cu mester den e desaroyo economico.

Sigur otro proyectonan cu mi lo desea di finaliza ta e Proyecto Gateway 2020 cu ta renobacion y ampliaciondi nos aeropuerto como tambe e ex edificio di DOW, cual lo bira un visitor inspirational center, cu lo bira un Proyecto unico den henter Caribe.

Algo hopi importante tambe ta e maneho nobo di permiso di hotelnan cu tin como meta pa para construccionan di hotel y shift pa un turismo sostenibely responsabel. Percura pa e balansa necesario entrodesaroyo y naturaleza.

Pa cuido medico nos deseo ta digitalisa henter e sector di cuido pa haci esaki uno mas efficiente y eficaz.
Nos lo kier empodera e patient pa e patient ta manehasu cuido por medio di Aruba Health App. Haci sucitanan via app, haya resultadonan di test, busca remedinan apotheek y su bishita di dokter via su app. Tur su salud den su man.

Dos gobernacion cu minister ta forma parti di dje no a bay 4 aña completo, dicon esaki?

Historia a demostra cu desde aña 1986 pais Aruba tawata tin 7 coalicion y 1 so a logra sobrevivi e 4 añanan di gobernacion. E problema cu ami por aexperiencia personalmente den coalicion ta cupartidonan chikito no tin un ideologia, no ta trahahunto y no tin coherencia. Individualismo, ego y e pensamento di interes di partido y interes personal takeda prevalece riba interes general y esey ta haci patraha den coalcion hopi complica.

Con minister ta haya e nivel di politica na Aruba y kico mester cambia?

Den mi opinión ainda nos no a yega e nivel di política cu nos mester yega como pais. Si mi mira politiconancon nan ta ataca y comporta nan mes den parlamento di Aruba, mi ta sigur cu tin espacio pa mehoracion. Hopi biaha ainda e atakenan ta riba e persona y no eproblema y pesey ta sinti cu tin espacio pa masmadurez politico y pa hisa e nivel y calidad. Nos ta representa pueblo como politiconan y ta nos deber y obligacion pa representa nan dignamente y eleva enivel. Nos tin un funccion unda mester duna ehempel na e siguente generacionan.

Con minister su relacion ta cu e oponentenan politico?

Den mi experiencia, nos por tin difrencianan di opinion fundamental riba diferente temanan, pero esey no ta kita cu nos tur ta keda hende y mester por trata otro curespet na tur momento sin mester recuri na atakenan personal y insultonan sin base pa purba rebaha otro.

Kico minister lo haci diferente den un siguiente gobernacion?

Semper den tur loke nos ta haci den bida tin espacio p ahaci cosnan diferente. Loke sigur mi lo haci diferenteta enfoka mas riba e parti di tereno y casnan pa nos hobennan y tambe pone mas enfasis riba flexibilidad di nos leynan laboral pa asina empleadonan por tin mastempo liber pa pasa tempo cu nan sernan keri. Na otro pais tin empleadonan ta trahando 32 ora pa siman, produciendo mas y hayando mesun pago di 40 ora pasiman.

Awendia bida a bira mas druk, y mama y tata, ta laborando pa asina por tin un entrada pa cria nan famia. Loke mi ta desea ta di por duna e mama of tata ey un tiki flexibilidad unda cu por tin mas tempo pa dedica na su famia. Ta pesey den e program pa e siguiente termino nos a inclui e plannan aki pa tin un plan di vivienda y tambe flexibilidad di nos leynan laboral.

Pakico e eleccion aki ta asina importante pa Aruba?

Tur eleccion ta importante pasobra e ta e momento cu pueblo ta haya e oportunidad pa expresa su mes por medio di e voto y haci uso di un derecho sagrado. E eleccion aki mi ta considera uno crucial pasobra pueblo lo tin e escogencia pa scohe entre stabilidad politico, stabilidad economico y stabilidad financiero of scohepa instabilidad y inseguridad. Nos a demostra cu nos a maneha pandemia, e peor crisis den historia y nos a demostra con ta saca e pais for di crisis y percura pa tinun turismo y economia cresciente. Pais Aruba ta progresando y prosperando y loke nos no desea di wakta pa wak progreso wordo obstaculisa.

Tin algun ley of punto specifico cu minister lo kier wak cambio den nos systema electoral?

Sigur! Mi ta haya hopi lamentabel cu Parlamento aindaNO a trata e ley di inciativa cu mi a presenta 17 maart2017 na Parlamento. Den e ley aki e politico cu masvoto ta drenta parlamento y no a base di secuencia di number. Un politico ta representa pueblo y pa representa pueblo mester por presenta e votonan tambe den parlamento.

Tambe lo ta bon pa Aruba introduci un sistema di voto digitalisa cu lo ta mas moderno y eficiente.

Como yiu di un politico respeta na Aruba manera Nelson Oduber e presion pa hasi lo corecto ta mas grandi?

E presion ta hopi grandi pasobra automaticamente hopi lo compara ami cu mi tata. Nos ta bin for di diferente generacionan y den poltica cu ta algo dinamico cosnanta cambia pero e no ta facil pa yena e sapotonan di mi tata. Mi tata tawata tin su estilo di hiba politica y amitin dimi cual ta estilonan diferente. E tawata tin un carrera y trayectoria impresionante y limpi. Pami ta un honor y orguyo grandi pa sigui su legado.

Cua ta e conseho di mas grandi cu minister su tata a duna? Ainda Minister su tata ta duna bo conseho?

Desde cu mi a haci e escogencia pa drenta politica e conseho di mas importante cu mi tata a dunami ta paser bo mes, crea bo mesun estilo, crea bo mesun identidad y busca e sosten di pueblo. Semper mi a haya e libertad pa hiba mi forma di politica. Naturalmente e semper tey pami na tur momento y ora mi sinti e necesidad pa busca conseho cerca dje semper e tey pami. E la pasa den hopi cos, a maneha diferente situacionan, a deal cu miles di hende, kiermen e experiencia di bida y di politica sigur mi ta haci bon uso di dje ora mi tin mester di dje. Na final di dia mi taconsidera mi tata como mi rolemodel den bida, un tata hopi ehemplar cu a sinjami cu trabou duro, cu dedicacion bo ta logra bo metanan.

Cua ta e reto di mas dificil cu bo a pasa adendurante bo carera politico?

E reto mas dificil tawata e crisis di e pandemia. E pandemia tawata e peor crisis cu nos pais a pasa aden y e pandemia a toca ambos di mi carteranan. E tawatamanera nan ta bisa, hopi “sleepless nights” paso tawata trata bida y salud di hende y na mes momento tawata trata nos unico pilar economico turismo cu a crash. E no tawata nada facil pa crea e balansa necesario pa tuma e miho decisionan den bienestar di salud, bida di hende pero tambe den consideracion cu nos economia. Aruba tawata den scuridad, sin perspectiva y sin sa ki futuro lo trece pa nos y ambos cartera tawata resorta bao di mi encargo. Awe mirando bek mi ta sintimi orguyoso cu nos tawata tin e curashi pa anuncia un ‘’exit strategy’’ pa sali for di e pandemia y cu awe na aña 2024 Aruba ta miho para cu prome cu e pandemia.

E dia ey mi a lanta cu un curashi y mi a bisa den mi mes cu nos mester sali for di e pandemia, nos no por sigui asina. Decision a wordo tuma y mi mester a prepara pa anuncia cu nos lo sali for di e pandemia. Nos mester a duna e anuncio aki na pueblo cual mi tawata sa cu hopi hende lo bai critica. Pero mester a tuma e dicision, paso den mi mes mi a pensa si no hacie awo, e pueblo di Aruba ta keda biba cu miedo y sin perspectiva. Y mas bo keda den e contamento di caso aki mas e pueblo ta custuma biba den miedo. Na momento mi a anuncia e “exit strategy”, Aruba tawatatin 5000 caso activo di Covid y mi ta corda Hulandatawata den lockdown. Mi no a duda ningun momento y mi a bai pe!

Nos mester por a sigui biba un bida los for di miedo y enfoca mas riba disfruta di esaki. Bida ta un tin y mester enjoy y nos recuperacion a bira mi meta.
Danki Dios hopi persona a sa di sostene mi decision y asina yuda cu maneho pa a haci esaki posibel. Ami taun hende cu no tin miedo di tuma decision, un gobernante mester por tuma decisionnan aunke cu nanpor ta mustra dificil. Awe e decision ey a pone cu paisAruba a wordo reconoci rond mundo pa nos recuperacion cual sigur ta yenami cu orguyo.

Mep lo traha cu tur otro partido si yega asina leu di forma gobierno?

Partido MEP ta trahando y campañando hopi duro pa haya un mandato cla di e pueblo votador. Pero naturalmente ta e pueblo votador ta dicidi cual gobierno e ta desea, nos mester respeta e voz di pueblo. Nos partido sigur ta habri pa traha cu tur e otro partidonan, tanten cu nos programanan di partido taden liñanan grandi parecido na otro, sin diferencia fundamental.

Con minister lo hiba campaña den e proximo simannan nos dilanti?

Semper mi a hiba un campaña fuerte di ta den pueblo, informando y educando y hopi importante scuchando e pueblo votador. Esaki ta mi estilo di hiba politica, caminda nunca mi a mustra miedo di expresa mi mes. Mi ta gusta yega mas cerca e pueblo y asina conoce mas hopi hende posibel. E estilo aki no ta fácil, pero mi ta sinti cu asina mi ta yega mas serca di hende pa haya sa mas informacion di kiko nan ta haya bon of menos bon. Asinta tambe e hende por conoce mi mas di cerca cu solamente wak mi den media. Mi campaña sigur lo ta uno pa na prome lugar concentra pa informa nos comunidad kiko ta tur e trabounan cu a wordo haci e ultimo añanan pero mas importante kiko ta e plan pa e siguente termino di gobernancion. Mi lo hiba un campaña limpi sin mester ataca politiconan personal of insulta nan.

Pakico Mep kier e mandato completo den e siguiente gobernacion?

Partido MEP ta buscando un mandato pa asina por termina nos trabounan y ehecuta proyectonan grandi pa pais Aruba. E mandato lo yuda pa goberna den trankilidad. Ora ta traha den coalicion tin biaha te hasta pa forma quorum (11 miembro di Parlamento pareunion por cuminsa) ta un reto. Nos ta wak e desaroyo preocupante aki tambe por ehempel na St Maarten caminda un gobierno di 4 partido ta forma gobierno awe y despues di 1 siman e mesun partido cu ta forma coalicion ta bula cura bai forma un otro gobierno cu oposicion. Aruba mester di stabilidad pa por prospera y progresa.

Como yui di un politico respeta na Aruba manera Nelson Oduber e presion pa hasi lo corecto ta mas grandi?

E presion ta hopi grandi pasobra automaticamente hopi lo compara ami cu mi tata. Nos ta bin for di diferente generacionan y den poltica cu ta algo dinamico cosnanta cambia pero e no ta facil pa yena e sapotonan di mi tata. Mi tata tawata tin su estilo di hiba politica y amitin dimi cual ta estilonan diferente. E tawata tin un carrera y trayectoria impresionante y limpi. Pami ta un honor y orguyo grandi pa sigui su legado.

Cua ta e conseho di mas grandi cu minister su tata a duna? Ainda Minister su tata ta duna bo conseho?

Desde cu mi a haci e escogencia pa drenta politica e conseho di mas importante cu mi tata a dunami ta paser bo mes, crea bo mesun estilo, crea bo mesun identidad y busca e sosten di pueblo. Semper mi a haya e libertad pa hiba mi forma di politica. Naturalmente e semper tey pami na tur momento y ora mi sinti e necesidad pa busca conseho serca dje semper e tey pami. E la pasa den hopi cos, a maneha diferente situacionan, a deal cu miles di hende, kiermen e experiencia di bida y di politica sigur mi ta haci bon uso di dje ora mi tin mester di dje. Na final di dia mi taconsidera mi tata como mi rolemodel den bida, un tata hopi ehemplar cu a sinjami cu trabou duro, cu dedicacion bo ta logra bo metanan.

Cua ta e reto di mas dificil cu bo a pasa aden durante bo carera politico?

E reto mas dificil tawata e crisis di e pandemia. E pandemia tawata e peor crisis cu nos pais a pasa aden y e pandemia a toca ambos di mi carteranan. E tawatamanera nan ta bisa, hopi “sleepless nights” paso tawatatrata bida y salud di hende y na mes momento tawatatrata nos unico pilar economico turismo cu a crash. E no tawata nada facil pa crea e balansa necesario patuma e miho decisionan den bienestar di salud, bida di hende pero tambe den consideracion cu nos economia. Aruba tawata den scuridad, sin perspectiva y sin sa ki futuro lo trece pa nos y ambos cartera tawata resorta bao di mi encargo. Awe mirando bek mi ta sintimi orguyoso cu nos tawata tin e curashi pa anuncia un ‘’exit strategy’’ pa sali for di e pandemia y cu awe na aña 2024 Aruba ta miho para cu prome cu e pandemia.

E dia ey mi a lanta cu un curashi y mi a bisa den mi mes cu nos mester sali for di e pandemia, nos no por sigui asina. Decision a wordo tuma y mi mester aprepara pa anuncia cu nos lo sali for di e pandemia. Nos mester a duna e anuncio aki na pueblo cual mi tawata sa cu hopi hende lo bai critica. Pero mester a tuma e dicision, paso den mi mes mi a pensa si no hacie awo, e pueblo di Aruba ta keda biba cu miedo y sin perspectiva. Y mas bo keda den e contamento di caso aki mas e pueblo ta custuma biba den miedo. Namomento mi a anuncia e “exit strategy”, Aruba tawatatin 5000 caso activo di Covid y mi ta corda Hulandatawata den lockdown. Mi no a duda ningun momento y mi a bai pe!

Nos mester por a sigui biba un bida los for di miedo y enfoca mas riba disfruta di esaki. Bida ta un tin y mester enjoy y nos recuperacion a bira mi meta.
Danki Dios hopi persona a sa di sostene mi decision y asina yuda cu maneho pa a haci esaki posibel. Ami taun hende cu no tin miedo di tuma decision, un gobernante mester por tuma decisionnan aunke cu nanpor ta mustra dificil. Awe e decision ey a pone cu paisAruba a wordo reconoci rond mundo pa nos recuperacion cual sigur ta yenami cu orguyo.

Mep lo traha cu tur otro partido si yega asina leu di forma gobierno?

Partido MEP ta trahando y campañando hopi duro pa haya un mandato cla di e pueblo votador. Pero naturalmente ta e pueblo votador ta dicidi cual gobierno e ta desea, nos mester respeta e voz di pueblo. Nos partido sigur ta habri pa traha cu tur e otro partidonan, tanten cu nos programanan di partido taden liñanan grandi parecido na otro, sin diferencia fundamental.

Con minister lo hiba campaña den e proximo simannan nos dilanti?

Semper mi a hiba un campaña fuerte di ta den pueblo, informando y educando y hopi importante scuchando e pueblo votador. Esaki ta mi estilo di hiba politica, caminda nunca mi a mustra miedo di expresa mi mes. Mi ta gusta yega mas cerca e pueblo y asina conoce mas hopi hende posibel. E estilo aki no ta fácil, pero mi ta sinti cu asina mi ta yega mas serca di hende pa haya sa mas informacion di kiko nan ta haya bon of menos bon. Asinta tambe e hende por conoce mi mas di cerca cu solamente wak mi den media. Mi campaña sigur lo ta uno pa na prome lugar concentra pa informa nos comunidad kiko ta tur e trabounan cu a wordo haci e ultimo añanan pero mas importante kiko ta e plan pa e siguente termino di gobernancion. Mi lo hiba un campaña limpi sin mester ataca politiconan personal ofinsulta nan.

Pakico Mep kier e mandato completo den e siguiente gobernacion?

Partido MEP ta buscando un mandato pa asina por termina nos trabounan y ehecuta proyectonan grandi papais Aruba. E mandato lo yuda pa goberna den trankilidad. Ora ta traha den coalicion tin biaha te hasta pa forma quorum (11 miembro di Parlamento pareunion por cuminsa) ta un reto. Nos ta wak e desaroyo preocupante aki tambe por ehempel na St Maarten caminda un gobierno di 4 partido ta forma gobierno awe y despues di 1 siman e mesun partido cu ta forma coalicion ta bula cura bai forma un otro gobierno cuoposicion. Aruba mester di stabilidad pa por prospera y progresa.

Cua ta e reto di mas grandi cu e siguiente gobierno ta enfrenta cu ne?

E reto mas grandi cu e siguiente gobierno lo enfrenta cune ta e inflación halto cu Aruba ta pasando aden. NaAruba nos mester ta consiente cu tur cos cu ta wordo usa na Aruba ta wordo importa. Na momento cu tin inflacion rond mundo automaticamente Aruba taimporta e inflacion cu tin influencia y tin impacto directo riba costo di bida y poder di compra.

Con minister ta haci comparti tempo entre politica y famia?

Ser un politico y gobernante no ta un trabou facil. E taun trabou cu ta ponebo den “spotlight”, e ta un traboucu mester mantene un bon comportacion,

nos tin un funccion unda mester duna ehempel na e siguente generacionan y un trabou cu ta exigi hopi dibotempo. E trabou ta pone cu tin masha hopi compromiso for di orarionan di trabou y den weekend. Mi ta un hende di famia cu ta duna hopi balor na mi casa y mi yuinan y pesey semper mi a traha tempo necesario patur e tempo cu por ta liber mi pasa tempo cu mi famia. Den bida loke ta mas importante ta bo famia y no obstante tur e obligacionan cu por tini mi a sa di maneha esaki y crea e ‘’work life balance’’ necesario. Mi ta gusta bai lama cu mi famia, hunga tennis y futbol cu nan. Esey ta nan mundo y den tempo liber mi tadrenta den nan mundo pa asina mi desvia mi mente poco di trabou y esey ta e oranan pa desconecta dipolitica y recarga mi bateria y energia. E trabou aki tahopi exigente y bo mester desconecta pa por reconecta. Porcierto pasa tempo cu famia ta loke mas mi ta disfruta den e tempo aki di mi bida.

Politica tin su pro y su contra, cua esakinan ta pa minister?

Exactamente, mescos cualkier otro profesion politica tambe tin su pro’s and con’s.

Pro’s
Loke mi gusta hopi di politica ta e oportunidad cu botin e poder pa haci un diferencia positivo, e oportunidnad pa influencia bida di hende y mehora nancalidad di bida di nos hendenan. E oportunidad pa crea un miho futuro pa nos yuinan.

Con’s
E partinan menos positivo ta e atakenan frontal contra bo famianan, e insultonan cu mester tolera y tambehopi biaha no ta tur hende lo compronde e decisionandifícil cu bo mester haci cu ta na bienestar di e poblacion y no ta tur hende bo lo por complace. Tambe, mi ta conclui cu pa falta di comunicacion ta binmal entendimiento y como consecuencia esaki por asta termina na manera cu a pasa final di gobernacionvooral ora ta trata di dos partido cu mester goberna cuotro.

Minister ta wak su mes como lider di Mep den futuro y como minister president di Aruba?

Mi a drenta politica cu un conviccion grandi pa traha pa mi pais, pa percura cu mi contribucion lo ta uno positivo na e bienistar y progreso di nos pais. Nunca mi a drenta politica cu e intencion pa un dia bira lider di MEP. Actualmente mi tin hopi satisfaccion den mi trabou y tambe ta sinti mi comodo unda mi ta.
Awor cu mi tin mas anja den politica, cu mas experiencia politico y ja caba eleccion venidero e ta bira caba mi di 4 eleccion. Mi a cuminsa mi Carrera nanumber 6, despues baha pa number 4, despues baha pa number 3 mi ta sinti cu mi a e caminda un proceso cu si e oportunidad presenta un dia sigur pami lo ta un privilegio pa lider un Moviemiento di pueblo cu mas di 55 anja di existencia. Partido MEP den nos historiatawata tin solamente 3 lider, def Betico Croes, Nelson Orlando Oduber y nos actual lider y promer minister Evelyne Wever Croes y pa guia un organisacion asinalo ta algo hopi bunita pa haci.

Mi ta considera e funcion di minister president di Aruba como e funcion di mas halto di pais Aruba. Desde nos status aparte Aruba a conoce solamente 4 ministro presidente y ta un funcion di honor enorme. Den bida semper cada persona mester por tin e ambicion pa sigui crece y desaroya nan mes den loke nan ta haci y sigur den futuro ta pueblo lo dicidi si lo haya e bunita oportunidad pa ocupa un di e funcionandi mas halto y prestigioso di pais Aruba. Esaki ta algo cu ta pueblo so lo por dicidi kende nan tin deseo pa mira como nan minister president di Aruba.

Kico ta minister su mensahe pa pueblo di Aruba pa e siguente eleccion?

Loke ta hopi importante ta pa e pueblo votador haciuso di nan derecho sagrado pa sali y bai vota. Voto taun arma poderoso cu ta dicidi e rumbo y futuro di pais. Nos ta wak den otro paisnan cu pueblo ta hacieschogencianan robes cu tin repercusionan grandi pafuturo di e pais. Nos mensahe ta pa cada votador busca e informacion, huzga e politico pa su ‘’track record’’ y tambe sea critico riba promesanan. Durante e periodo aki hopi politico tin e tendencia di haci promesananirrealistico y falso cu nan sa cu nan no por cumplicune. E político lo bisabo locual bo kier scucha pa asina haya bo voto. Midi e politico pa su honestidad, su trayectoria y su norma y balornan.

Pakico Aruba mester deposita nan confiansa den minister?

Cada votador ta liber den nan escogencia y ta liber pavota segun nan consenshi. Mi ta kere como politico mi a demostra di ta un politico cu vison cu ta bisa loke e tabai haci y e ta haci loke e ta bisa. Mi a demostra cu mi tin un vision y mi a tuma accionan pa ehecuta e visionaki. Mi a demostra cu mi por maneha, goberna y tuma decisionan dificil ora situacionan ta complica y mi a demostra cu mi tin e curashi, determinacion y energia pa por a saca Aruba for di crisis.

Aruba ta den su miho momentonan, nos turismo taregistrando e miho resultado den historia, tincrecemento economico di mas di 11%, e desempleo tana e nivel di mas abou den historia, nos a inverti mas di 100 miyon den mehora calidad di cuido y servicio y nos a percura pa aumenta e pensioen di biehez na 4 occasion.

Un vota deposita den mi persona ta un voto bon escogí, caminda lo mi ta e persona cu ta traha pa pueblo y masimportante cumpli cu pueblo. Un persona serio, responsabel y cu norma y balornan hopi halto.

Con minister y Mep tin pensa di resolve e debe cu Aruba tin cu Hulanda?

Gobierno di Aruba no mester accepta e Rijkswet como condicion pa soluciona e situacion financiero. Sin e rijkswet nos a demostra cu nos por mehora e situacionfinanciero y cumpli cu e normanan. Es mas nos tin un ley di supervision financiero caba in place.

Mi ta cita loke ex miembro di Aruba den CAFT sra.Hellen Van der Wal a bisa durante su despedida:

“Hulanda awor kier un ley di gobierno como condicion pa e refinanciamento di e fianzanan di Covid. Esey tambe ta curioso, pasobra awor Aruba tinsu ciclo di presupuesto na ordo”

E presupuestonan di e aña aki y di otro aña ta mustrasurplusnan di varios aña. Mirando e raportnan di implementacion cu ta disponibel awor, no tin motibopa asumi cu e calculacionnan aki no ta realistico.

Loke mi kier ilustra aki nan ta cu Aruba NO tin ningun necesidad pa accepta un ley di reino pa supervisión financiero y Aruba a demostra cu riba propio forza a cumpli cu tur nos obligacionnan financiero. Nos a cumpli cu tur e normanan c uta ancra den e ley di supervisión local.
Entrega di autonomia a cambio di un rijkswet no ta un solución, sino nos mester por tin e disciplina presupuestario cu nos a demostra e ultimo añanan akipa atende nos situación financiero.

Aruba tin confiansa den su politico nan? y si ta no, kico por hasi pa cambia esaki?

Mi ta kere si nos compara e percentage di votadornan cu ta bai vota na Aruba por conclui cu aindademocracia na Aruba ta funciona. Tin politiconan cu a daña pa otro cu obviamente ta pone cu hopi biahahendenan lo generalisa y bisa cu tur politico ta mescos. Den sector priva tambe tin cosnan ta pasa esey no tapone cu nos por generalisa. Hende ta keda hende pero esey no kiermen cu tur hende ta mescos. No ta paso politico A, B, C a wordo condena pa corrupcion eseykiermen tur politico ta corrupto. Nos como politicomester demostra cu nos ta cumpli cu nos pueblo y sirbiinteres di pais y no interes personal manera hopi politico ta haci, eynan e difrencia ta sinta.

Mensahe final di minister Oduber?

Den bida mester traha duro pa loke bo kier logra, bomester keda focused den bo intencionan y metanan y na final cu hopi sodor y sacrificio bo ta logra bometanan. Aruba ta un paraiso, un one happy island, ban percura pa nos proteha, conserva nos libertdad y hunto garantiza un futuro briyante pa un y tur.

Dia 06 december 2024, sali bai vota, Vota Consciente y VOTA DANGUI ODUBER, candidato riba liste geel di MEP. - D