Joran van der Sloot ta enfrenta traspaso pa un prizon notorio na El Salvador.

Joran van der Sloot probablemente pronto lo wordo traspasa pa un prizon notorio na El Salvador. Peru, caminda Van der Sloot ta deteni actualmente, kier deshaci di un grupo di detenidonan problematico den e notorio prizon Challapalca, incluyendo terorista y sospechosonan di femisidio. 

Den un carta cu a cay den man di prensa internacional, Van der Sloot ta confirma cu e lo bai wordo traspasa pa El Salvador hunto cu un grupo di preso Venezolano di e organisacion terorista Tren de Aragua. E intencion di e autoridadnan Peruano a ser confirma door di informenan den corantnan di e pais. E hues prinicpal di Lima, en particular, ta defendiendo fuertemente pa e traspaso di e criminalnan stranhero mas peligroso di Challapalca pa El Salvador.

Joran van der Sloot ta sintando un castigo di 35 aña na Peru pa asesinato di Stephany Flores y daño na famia Holloway. Dos aña pasa, el a wordo graba confesando di a mata Holloway cu un baranca riba un beach di Aruba na 2005. Van der Sloot a haci un deal cu autoridadnan Mericano. 

No ta conoci ainda ki dia e traspaso pa El Salvador lo drenta na vigor.