E di dos Pre-benta  di carchi general pa CBC 4 lo na Afl 75,- fin di september.

Pa Celebrando Bida Concert 4 promotornan a disidi di introduci un cambio den benta pa carchi general. E biaha aki lo bende carchi solamente 5 dia tur fin di luna te cu dia di Concierto. 

E prome parti di pre-benta tawata un exito grandi, a bende mas carchi cu tawata pre mira na Afl 65,-. Si bo a perde e prome chens di cumpra bo carchi, bo tin un di dos chens cu ta cuminsa 27 di september te cu 2 di october. Solamente 5 dia e carchi general lo ta na Afl 75,- na Hamaka y Espiga de oro. Despues di e fecha aki lo tin e di tercer pre-benta te cu fin di October cu lo bira Afl 85,-. Corda cu dia di concierto carchi general lo ta Afl 100,-.

E concierto mes lo ta dia prome di november na renaissance festival plaza cuminsando pa 7 or di anochi. Artistanan manera Sergio Vargas, Ana Del Castillo y El Chavel de la bachata lo subi escenario pa deleita un publico grandi e anochi ey cu Merengue, vallenato y bachata. 
E mesanan vip ta 70% bendi caba, si ainda bo kier bo mesa vip yama mesora na 5697359.

Celebrando Bida Concert 4 lo bira e concierto di mas grandi pa Aruba den ultimo tempo mirando e reaccion di e publico riba e carchinan como tambe mesa vip.