Cu un poblacion di casi 7,5 miyon di habitante y masha tiki tereno, e mercado di cas a bira impagabel na Hong kong.  

Cual ta hasi cu a bira masha comun biba den un “haula”.  

Esaki ta un apartamento di mas o menos 1 pa 2 meter cuadra. Unda cu baño y cushina ta banda di otro sin separacion. 

For di come te cu drumi, tur actividad ta tuma lugar den e espacio chikito aki.  

 E prijs pa e apartamento ta varia entre 250 dollar te cu 307 dollar. 

Nacion Uni a discribi e apartamento nan aki como un insulto pa e dignidad di un ser humano, pero esaki ta e unico alternativa pa mas o menos 200 mil Chines. 

Pesey, con chikito bo cas of apartamento por ta corda semper cu tin hende ta biba den haula.