Dolor di supuesto gas a resulta cu dama ta na estado y cla pa duna luz.

​

E storia di Juliana Brasileiro, un hende muher cu ta residencia na Brasil, a soprende su casa y su famia, paso el a haya sa cu e ta na estado, net algun minuut prome cu e mester duna luz. Tur cos a cuminsa 9 di october den e oranan di anochi, ora cu el a bay cinema cu su famia y a sinti un dolor insoportabel. Hamas Juliana por a pensa cu e tabata na estado, ya cu tur luna su menstruacion tabata presente. E anochi ey el a purba di calma su dolor cu algun pilder y el a logra drumi. Pero e siguiente dia, esta 10 di october, el a hay’e ta bay hospital y el a ricibi medicamento pa supuesto gas cu el a sinti. Sinembargo riba 11 di october e dolornan a cuminsa bira hopi mas intense, unda el a dicidi di bay un ginecologo y nan a haci un examen tactil. Aki ta unda cu e dokter a comproba cu e tabata na estado. E ginecologo a bis’e p’e bay sala di emergencia, paso ya e tabata casi pa duna luz. Mas cu claro esaki a shock Juliana por completo y no papia mes di su famia. Mediante nan rednan social tanto Juliana como su casa ta recaudando placa, pa por cumpra e cosnan cu e baby lo tin mester.