Biahamento sin paga boet lo bira biahamento pa Kia. 


No por bay cu vakantie mientras cu tin boet pendiente.

Desde dialuna 19 di juni Cuerpo Especial Aruba a bolbe hasi bishita na e hende nan cu tin boet pendiente pa asina cobra nan. 
Siman pasa a bishita mas o menos 200 adres unda cu tur persona a paga cu excepcion di dos persona cu a wordo deteni y ta sintando e dia nan di castigo.

Actualmente esaki lo ta e caso pa tur persona cu no cumpli cu e pago di nan boet completo. 
Esaki ta conta pa biahero nan cu boet pendiente tambe.
Si bo persona ta biahando y bo tin un boet pendientebo lo mester paga esaki full pa por continua cu bo biahe, di lo contrario bo lo keda deteni y hiba KIA inmediatamente.

Un total di mas di 60.000 florin a keda colecta durante di e accion aki door di OM conhuntamente cu CEA cu ta bay pa Pais Aruba.