Hoben sin man y pia su soño ta caba scol y haya un trabou.

Luis Taborda ta biba na Medellin unda dos aña pasa e la sufri un accident cu coriente durante cu e tawata trahando y cu apenas 27 aña mester a amputa su man nan y pia nan.
Despues di esaki Luis a conoce e amor di su bida, Mildred Dayana, ken ta yude cu su rutina diario cu tur pasenshi y amor.

Segun Mildred, “Mi ta yude, mi ta carge, mi ta move cu ne den su rolstoel, pero na e momento aki ami mes ta malo y mi pia nan no ta duna pero Luis a siña subi y baha su mes for di su rolstoel.” 

Luis su bida nunca tawata facil. 
Desde chikito e la lucha pa saca su famia dilanti y apesar cu destino a kita locual pa hopi ta fundamental, e ta spera ainda di por haya un trabou pa por sigui saca su famia dilanti manera semper e la hasi. 
Den su caso e ta mas dificil pa haya un trabou mas Luis no ta haya esaki ta algo imposibel. 

“Hende mester siña balora bida y sa cu semper bo por sali dilanti apesar di tur obstaculo cu por presenta. E hecho aki a dal mi hopi duro, perde ambos man y pia ta un perdida grandi pero mi sa cu ayudo di Dios lo mi sali dilanti.” asina Luis a expresa.

Cu e amor di su pareha y su mesun forsa di boluntad e ta spera di por cumpli cu su soño di caba su estudio y haya un trabou.