Riba nan prome cita: Homber ta pasa auto riba un modelo, Paso e no a lage hole su pianan!

Un homber di Florida, Elmoncy Sercle (28), a ataca un modelo di pia cu su auto durante nan prome cita, despues cu e muher a nenga di lage hole su pianan, segun autoridad. 
Sercle a organisa un encuentro via e app yama Seeking na Serena Hotel na Aventura. Durante e cita, e la pidi e modelo si e por hole su pianan y cumpra su kedsnan uza. E modelo a sinti incomodo pa lage hole su pianan pero tabata deacuerdo pa bende su keds pa $1,000. Sercle no a acepta e prijs. Na momento cu e modelo a bai uza baño, Sercle a sali coriendo di e camber cu e keds y bai den su auto. E muher a sali su tras y ora e la yega na e stacionamento, Sercle a core pasa cu su SUV Mercedes cora riba dje y huy for di e sitio inmediatamente despues.
E modelo a sufri rascanan y golpinan na su lomba, brasa y pecho, pero a sobrevivi y ricibi tratamento medico inmediatamente. Sercle a wordo aresta diahuebs despues cu el a intenta di reserva otro camber na e mesun hotel.
Segun corte, Sercle ta ser acusa di agresion y a declara su mes no culpabel. E modelo a bisa: “Nunca mi a experensia nada manera esaki. Danki na Dios mi ta na bida ainda.”