China a presenta e Prome “Olimpiada di Robot”!

China a yega un hit tecnologico: e prome wega mundial di robot humanoide a cuminsa, y ya tin su campeonnan. Den carera di 1.500 meter, e modelo H1 di Unitree Robotics a gana e prome y tercer luga, ganando rivalnan di Hapon, Alemania y Merca.
Mas di 500 robot humanoide di 16 pais ta competiendo den 26 deporte, incluyendo futbol, basketball, boxeo, y hasta baile! E evento, yama World Humanoid Robot Games, y ta sirbi pa mustra cu China ta lidera e revolucion global di robot humanoide.
E H1 – cu ta costa 650.000 yuan (casi 91 mil dólar) – no solamente ta lihe, sino cu anteriormente a baila un baile tradicional na Gala di Aña Nobo Chines.
Pero no tur cos a bai perfecto:
•    Varios robot no a logra cuminsa e carera.
•    Un robot a perde un brasa despues di cay.
•    Den futbol, un a cay den e veld y a casua un “efecto domino” y mester a yama e humanonan pa lanta tur e robotnan.
Organisadonan a bisa: e weganan no ta solamente un show, si no un laboratorio real pa test balans, decision, y interaccion di robot den situacion complica – habilidad cu despues por ser uza na cas, companianan y industria.
CEO di Unitree, Wang Xingxing, ta pronostica cu den 3-5 aña por mira progreso inmenso.
China ta cla pa bira potencia mundial den robot humanoide – pero e pregunta ta: Abo ta cla pa nan drenta bo bida tambe?