Mama a wak un potret di su yiu di 22 aña den noticia y a entreg’e na polis.

​

E mama di Charles Michael Haywood, a sinti cu e mester a entrega su yiu na polis di Surf City, North Carolina, Merca, despues cu el a wak un potret di su yiu, den noticia como un sospechoso di asesinato. Tur cos a cuminsa dia 24 di augustus 2022. Segun e autoridadnan, un hoben a drenta e tienda “Exotic Hemp Company” cu un bandana bisti y un maleta. Den e camara di siguridad nan a wak, cu e homber aki tabata arma cu un instrumento letal. Despues di a horta den e tienda y mata Margaret Bracey (44), prome cu el a sali di e tienda, el a kita e bandana y su carson.

E mama di Charles a conta polis cu e dia ey, su yiu a yega cas cu man corta y nan mester a bay hospital. No a ni pasa 24 ora cu Charles a yega cas y su mama a wak riba noticia, cu nan a asesina un hende door di un hinca fatal. E mama no a duda y a yama polis di biaha. Awor e homber ta enfrenta cargo pa asesinato di prome grado door di hortamento. Na e momentonan aki e ta den e prizon di Condado de Pende.