Polis ta yuda señora di 84 aña yega su cita di haci cabey.

Un video di un polis di Murfreesboro, Tennessee, Merca a bay viral, na momento cu a capta e polis ta haci un gesto noble cu un señora di 84 aña. 
E señora, Elizabeth Goode, tabata canando cu su walker band’i caminda grandi pa bay su cita di cabey na un ‘beauty salon’. 
E polis a wak esaki como un accion poco comun riba un highway y mesora a para pa wak kico por ta pasando. Elizabeth a conta e polis Hofmeister, cu el a coy un bus di Nashville y e tabata purba yega su cita pa cabey na Paul Mitchell Hair School, cu ta keda 1 miya leu.
Mas cu claro e polis a ofrece Elizabeth un lift y nan dos a combersa durante e coremento. 
Hofmeister a conta cu el a perde su wela un par di aña atras y e señora aki a pon’e rebiba e momentonan ey bek, dunando e un sentimento puro di nostalgia. Señora Goode a haya su ‘perm’ bek, danki na un bunita acto di servicio di un polis, captura riba camara y comparti riba Tik Tok.