Mama, empresaria y inspiracion: Dyvienne Perez. 

​​

Dyvienne Perez, ta un mama di 27 aña, un empresaria den e mundo di beyesa na Aruba. E ta doño di su propio negoshi di pestaña (lash business), un negoshi cu e la traha cu hopi amor, pasenshi y dedicacion. E aña aki ta un aña hopi special pa Dyvienne y team, paso su negoshi lo cumpli 7 aña di servicio. Durante tur e aña nan, e la crece, siña servicionan nobo y mehora su talento pa duna su clientenan e mihor servicio posibel.

​

Dyvienne no ta traha su so, hunto cu su ruman muhernan, nan ta haci diferente tratamento di beyesa na HXOUSEOFBEAUTYACADEMY manera brows, waxing, braids y lashes. E colaboracion entre rumannan ta haci e trabouw mas special. Pa Dyvienne, beyesa no ta solamente ta tocante aparencia: e ta mas pa laga su cliente nan sinti sigur di nan mes. 

​

Su inspiracion pa drenta e industria di beyesa a cuminsa di ora e tabata chikito, Danki na su mama cu semper tabata den e mundo di beyesa. Pa perfecciona su talento, Dyvienne a bay Hulanda caminda e la haci diferente curso di lashmaster, e la siña tur e tecnica necesario y finalmente e la ricibi tur su diplomanan. Dyvienne ta comparti su conocemento cu otro hendenan e ta duna cursonan pa hendenan cu kier siña e arte di lashes y otro tratamentonan di beyesa cu e ta ofrece.

 

Aparte di su trabouw, Dyvienne ta un persona cu ta kere fuertemente den biba bida, e gusta biaha, conoce lugarnan nobo y crea momentonan inolvidabel cu su pareha, famia y su yiu muher di 7 aña. Aunke e ta un mama y empresaria cu hopi responsabilidad, e semper ta busca tempo pa disfruta di bida. 

​

Dyvienne ta un ehempel di determinacion, amor pa famia y pasion pa locual e ta haci. Cu su talento y su personalidad caloroso, e la logra crea un negoshi pero tambe e ta un inspiracion pa hopi hende rond di dje. 

​

Instagram: hxouseofbeautyacademy

Number: 5665879

Dyvienne@gmail.com