By: Zaynah Yanez

 10 maart 2026 

E Rey di trap latino, Bad Bunny, ta cumpli 32 aña awe. 

​

Benito Antonio Martínez Ocasio, mihor conoci pa Bad Bunny a cumpli 32 aña awe, e la nace 10 di maart, 1994 na Vega Baja, Puerto Rico. Su infancia tabata un infancia normal y humilde. E la crece den un cas cu su mama, Lysaurie, cu tabata maestra na scol y su tata, Tito, cu tabata chauffeur di bus. Desde cu Benito tabata chikito e tabata gusta musica. E tabata canta den misa hunto cu su rumannan tur siman, asina e la desaroya su amor pa musica mas y mas. 

​

Bad Bunny a logra cambia e manera cu hopi hende ta mira musica urbano manera reggaeton y latin trap, su estilo ta diferente paso eno tin miedo pa experimenta cu diferente sonido, moda y manera di expresa su mes. Esaki ta e rason cu e la bira un simbolo di cultura pa hopi hende y hoben rond di mundo. 

​

Prome cu e la bira famoso, Bad Bunny tabata studia comunicacion audiovisual na Universidad di Puerto Rico na Arecibo. E tabata traha den un supermercado, durante e periodo aki di su bida e tabata subi su canticanan riba SoundCloud. Un di su prome cancion canticanan cu a habri porta pe tabata "Diles" e cancion aki a yega na orea di DJ Luian, un productor importante den e mundo di Latin trap. despues di esaki su carera a cuminsa subi rapidamente. 

​

Awe, Bad Bunny ta considera un idolo global, cu miyones di fan rond di mundo, e la logra pone musica latina mas grandi ariba e mapa mundial. Apesar di su fama enorme, hopi hende ta sinti cu ainda e ta e mesun persona humilde di antes. Su storia ta un ehempel cu talento, pasion y perseverancia, un persona por logra cosnan extraordinario.