By: Zaynah Yanez

 11 maart 2026 

Un atleta cu determinacion: Jackie Toussiant. 

​

Jackie Toussiant, a nace 1 di juli 1985 na Aruba, Jackie ta un persona cu semper a demostra pasion pa deporte, perseverancia y dedicacion, for di chikito, Jackie a mustra cu e tin un spirito fuerte y un amor grandi pa movecion y competencia.

​

Durante su tempo di scol na Filomena College, MAVO, Jackie no solamente tabata enfoca riba su educacion, pero tambe riba deporte, e la pratica Volleyball, beach futbol y atletismo di distancia largo. Su amor pa volleyball a cuminsa ora e tabata tin 16 aña, actualmente Jackie ta hunga pa Phoenix Volleyball Team.

​

Na 2007, Jackie a cuminsa su trayectorio internacional ora e la hunga indoor volleyball den e torneo NORCECA na Martinique cu seleccion di Aruba, e experencia aki tabata un paso importante den su carera. Dos aña despues na 2009, Jackie a sigui representa Aruba na CAZOVA Junior Championship na Trinidad. Na 2012 tabata un aña hopi activo pa Jackie den selecion, e la hunga indoor volleyball na Jamaica y tambe na Guatemala. Den e mesun aña aki, e la representa Aruba den World Championship Qualification na Jamaica, durante e competencia aki, seleccion di Aruba a logra un bon resultado den prome ronda, caminda nan a finalisa na di tres lugar, mustrando determinacion y lucha te na final. 

​

Mas despues, na 2016, Jackie a sigui representa su pais cu orguyo ora el a hunga cu seleccion Aruba den World Championship Qualification cu a wordo teni na Aruba mes, hunga na su propio isla, dilanti di su propio publico, tabata un momento special y emocional den su carera como atleta.

​

Durante tur e añanan aki, Jackie Toussiant a mustra no solamente talento, pero tambe lealtad, disciplina y amor profundo pa deporte y pa Aruba su contribicion na volleyball Arubiano ta parti di e historia di e deporte na nos isla.

​

Logronan:
- 2021- 3rd Overall Diabetic Run 10KM
- 2021 - 3rd Overall Female Turibana Loop 
- 2022 - 3rd Overall Female  Betico Croes Memorial Run 10KM
- 2022 - 3rd Overall Female  Aruba International Blvd Loop 10Km
- 2022 1st Place Mixed Team Alive Ronde Van Aruba 
- 2022 - Overall Female KLM Marathon Aruba 10KM
- 2022 -3rd Overall Female Diabetic Run 10KM
- 2023- 2nd Overall Aruba bank Run 
- 2023- 2nd Overall Female Guardian Loop 10KM
- 2023- 2nd Overall Female den Tino Ruiz Memorial Walk & Run 5KM
- 2023 1st Place Ladies Team Ronde van Aruba  
- 2023 Overall Female Metafit 10KM
- 2023 Overall Female Astec 5km
- 2023 Overall Female Romar 5KM
- 2024 1st palce Team Pegasus Bestial Ronde van Aruba.