Ruman morocho: Silvana & Karolina Rodriquez doño di ROWSU Nail studio Aruba. 

​

Tras di ROWSU Nail Studio tin dos ruman morocho: Silvana & Karolina Rodriquez (30).  E studio a nace for di un soño di nan, pa crea un negoshi hunto y pa traha un lugar caminda hende muher y hende homber por sinti bon cu nan mes. Tras di e nomber ROWSU tin un storia hopi special. E nomber ta bini for di un recuerdo di nan infancia cu tin hopi balor den nan famia, e ta representa amor, union y un conexion fuerte entre e ruman morocho. Awe e mesun amor y dedicacion por sinti den cada cliente cu bishita ROWSU. 

​

Silvana ta mama di dos mucha muher. Silvana ta conoci pa su personalidad alegre y positivo, e ta gusta transforma cada detaye den algo bunita. Despues di a sigui su estudio na EPI, Silvana a sigui desaroya su talento y su amor p'e mundo di beyesa. 

​

Karolina ta mama di dos mucha homber. Karolina ta inteligente, serio y enfoca. E tin un curason grandi y un vocacion special pa cuida y yuda otro hende. Karolina a gradua den MBO 3 Sociaal Pedagogisch Werker y pa mas cu 7 aña e ta trahando cu muchanan. Awe e ta orguyosamente doño di su mesun scol, unda e ta cuida muchanan cu hopi amor for di 3 luna te cu 10 aña di edad, su trabouw ta hopi dedicacion, pasenshi y cariño 

​

 Na ROWSU Nail Studio, e enfoke ta riba beyesa, creatividad y cuido profesional di huña. E studio ta ofrece servicio manera:
   •    Manicure
   •    Pedicure
   •    Gel nails
   •    Acrylic nails
   •    Nail art y diseño personalisa
   •    Cuido y mantenemento di huña

​

Locual ta haci ROWSU special t'e atencion pa cada detaye y e ambiente cordial ta haci cu e studio no ta solamente un lugar pa haci huña, pero tambe un lugar unda clientenan por relaha. Silvana & Karolina ta enfoca riba productonan di bon calidad, pa garantisa cu bo huñanan keda saludabel y duradero. 

​

Adres: Engelanstraat 7

+297 5624834 

+ 297 5688785

​