Kevv lo presenta dia 28 di maart den Vibra Latina Concert. 

​

Kevv, (29), ta un cantante, compositor y productor musical di Curacao cu a bira conoci pa su estilo unico cu ta mescla ritmonan Caribeño cu R&B, pop y musica urbano. E ta representa un generacion nobo di artista di Curacao cu ta traha musica pa un publico internacional, pero sin perde su raiznan di isla. Kevv a crece na Curacao, unda musica tabata un parti importante den su bida for di chikito. E la cuminsa toca piano ora e tabata tin 5 aña, su tata a siñe. Ora Kevv a muda bay Hulanda, e la cuminsa tuma musica mas serio, e la siña hopi tocante produccion y grabacion.

​

Kevv lo ta un di e artistanan special cu lo presenta na e concierto di Vibra Latina na Aruba dia 28 di maart, E evento aki lo ta un di e conciertonan mas grandi den musica latino den e region. Pa Kevv, e presentacion aki ta un paso importante den su carera, paso e la haya oportunidad pa subi escenario cu un artista mundialmente conoci manera Carlos Vives. Durante Kevv su presentacion e publico por spera e canta algun di su canticanan mas conoci, e presentacion aki ta mustra con artista di Curacao ta sigui yega mas leu riba escenario internacional. 

​

​