Personahe di siman: Danique & Diantha Ridderstap e gemelanan tras di Actico Activewear. 

​

Tras di Activo Activewear tin dos ruman muher gemela cu tin un gran motivacion pa deporte, Diantha & Danique Ridderstap (28). For di chikito nan a siña con importante ta pa sostene otro, aunke nan personalidad y nan trayecto por ta diferente. Nan mentalidad, determinacion y perseverancia semper a uni nan. 

​

Activo Activewear ta un marca di paña na Aruba pa inspira hende pa move, sinti fuerte y biba un bida activo. E marca a nace for di un pasion pa deporte y deseo pa crea algo cu tin significado. Cada piesa ta diseña cu cuido, pensando riba e comodidad pa hende cu kier keda activo den nan bida diario. 

​

Danique a bira mama 2 aña pasa y hopi cos a cambia den su bida e la haya un perspectiva nobo riba futuro, e la lanta un negoshi, pero tambe crea un bida caminda e por combina famia, pasion y ambicion. Danique ta e curason, vision y creatividad di e marca. Diantha ta trece energia, disciplina y un amor profundo pa e marca, su enfoke riba consistencia pa e trabouw ta forma e calidad y autenticidad di e marca. Nan dos hunto ta locual ta haci e colaboracion fuerte, caminda un ta trece vision y e otro ta trece empuhe. E balans aki ta permiti nan crece como business partner pero tambe como rumannan cu ta sigui inspira otro. 

​

E meta di Activo Activewear ta pa motiva hende pa sinti bon cu nan mes, tin confiansa den nan propio forsa y sigui nan caminda pa un bida mas activo. Cu un vision pa crece y inspira mas hende, Activo Activewear ta sigui traha pa trece paña di calidad cu ta sostene un bida activo y positivo. 

​

Instagram: Activoactivewear

Adres: Walishali 4 Ponton