Mervine Kock na 69 aña ta mas fit cu nunca.

​

Mervine Kock, di 69 aña, ta un berdadero  inspiracion pa hopi hende, E ta super fit y disciplina, tur dia e ta bay gym cu un rutina structura cu e ta sigui fielmente. Mervine semper tabata activo den deporte, e tabata hunga softball y semper a gusta baila. Na aña 1984 e la cuminsa entrena cu un enfoke serio, un aña despues e la subi stage y competi pa prome biaha na Hulanda, esaki tabata un logro grandi pe. Mervine ta trata su krulnan cu hopi amor, e ta inverti tempo pa cuida nan bon, hidrata y mantene nan natural y saludabel. 

​

Mervine ta un hende muher cu hopi determinacion, e la logra dos Bachelor den solamente 4 aña ora e tabata biba na Hulanda y a logra su Doctorandus den 20 luna na Universidad di Leiden tambe. Despues cu e la baha cu pensioen na 2018, e la bolbe enfoka riba su mes, cu consistencia y disciplina e la logra recupera e curpa cu e tabata tin na 1985. Awor, na 69 aña e ta mas fuerte cu nunca. Na gym, hende ta mire como un inspiracion no solamente pa su curpa fuerte, pero pa su mentalidad positivo y su forma di biba. Mervine ta inspira hopi hende muher pa cuminsa entrena y cuida nan mes. Mervine t'e ehempel cu edad no ta un limitacion, pero un bendicion. 

​

Su lema ta: "Na 69 aña, mi ta inspira otro hende muhernan pa biba nan bida plenamente, cu abundancia di libertad, mi meta ta pa yega na edad cu gracia, dor di self-care, amor propio y bay gym".