Un soño cu a bira realidad: E storia di Jerrylaine Britten y Isla Graze. 

​

Jerrylaine Britten, ta un hoben di 27 aña cu hopi amor pa su famia, E ta un fiancé cu ta traha duro pa crea un futuro bunita cu su pareha, y mas importante ainda e ta un mama di dos mucha homber di 3 y 1 aña cu ta su mundo completo. Aña pasa augustus Jerrylaine a regresa Aruba bek despues di a biba 7 aña na Hulanda caminda e la siña hopi cos y bira mas fuerte como persona. Pero su curason semper tabata na Aruba, e la dicidi di bolbe cas bek caminda su raisnan ta, pa cuminsa un bida nobo. Jerrylaine a bin pa continua cu su estudio na IPA pa bira maestra di enseñansa primario, cual e ta haciendo actualmente. 

​

Cu hopi curashi e la habri su propio negoshi : ISLA GRAZE, un Luxury Event Mobile charcuterie cart, esaki t'e unico na Aruba. E concepto aki ta trece alegria na tur evento cu nan atende pero tambe crea experencia bunita pa cada negoshi of fiesta cu book e. Su negoshi, Isla Graze, a cuminsa chikito, pero cu su dedicacion y amor pa cada detaye a yude crece poco poco. Isla Graze tin hopi cos bon pa ofrece, for di grupo grandi, te opcionnan chikito, tur cos ta wordo prepara cu amor y atencion.

​

Tras di tur esaki, tin hopi trabouw duro, planificacion, cumpra material, preparacion, atende cliente cual tur dia e ta haci esaki cu un sonrisa riba su cara paso e ta haci algo cu realmente e ta stima. 

​

Isla Graze ta un prueba cu ora bo tin un soño y bo pone bo mes 100% aden, cosnan por crece mas grandi cu bo ta imagina y pa Jerrylaine, esaki ta solamente e cuminsamento. Jerrylaine ta sumamente agradecido pa cada cliente cu ta sostene Isla Graze.