Beer ta dal un baño den lama y ta sorprende tur hende.

Turista nan a pensa cu tawata un cacho.
Riba red nan social ta circulando un video unda por mira un beer chikito tumando un baño den lama hunto cu varios turista cu a keda observe y admire.

E momento extraordinario aki a tuma lugar na un beach hopi druk na Destin, Florida.
Turista nan a aglomera pa observa e bestia di serca cu tawata mustra di ta disfruta di e awa salo masha hopi mes. 

Chris Barron, e turista cu a graba e beer ta baña, a conta cu su ruman y su yiu di 12 aña tawata presente y serca di e bestia.
“Nos tawata observa e bestia pa un rato caba. Na e momento cu mi a realisa cu ta un beer mi a cuminsa filma dibiaha. E la sigui landa y despues e la subi na canto y cana bay.” asina Chris a expresa. 

Door di su tamaño niun hende por a pensa cu tawata trata di un beer. Turista nan a pensa cu ta un cacho y otro nan a cuminsa landa spanta pensando cu lo ta un tribon.
Mayoria hende a keda sorprendi di mira un beer den e golfo di Mexico. 
Despues di su douche e bestia a sali for di awa y core drenta e mata nan cu ta rondona e beach.