Despues di 18 aña di matrimonio dama a somete na un cambio drastico.

​

E storia di Emma Sheppard, un muher di 42 aña, a sorprende e comunidad cu ta siguie riba su plataformanan social. Emma a dicidi di cambia su aparencia completamente, despues di 18 aña di matrimonio. Segun Emma a conta, despues di a separa di su ex pareha, el a sinti su mes “bieu, cansa y infeliz”. Sinembargo e cantica di Katy Perry: “Roar”, a yud’e masha pa sigui dilanti cu su bida. Emma ta biba na Blackpool, Reino Uni y awor el a cuminsa bay gym, come bon y tambe el a stop di huma sigaria. Incluso awor el a inscribi su mes riba e aplicacion di Tinder, cu ta bon conoci pa esunnan cu ta en busca di pareha. Despues di a purba di laga e vicio di huma sigaria durante aña largo, awor el a stop di hacie y el a bisa y ta sinti su mes, manera un muher completamente nobo.