Hoben di 13 aña ta sobrevivi un caida di 30 meter halto.

​

Wyatt Kauffman, un hoben Mericano di 13 aña a sobrevivi un caida di 30 meter for di Grand Canyon durante un biahe cu su famia.
Na momento cu algun turista kier a saca potret e hoben a bay hala un banda y a slip cay abou.
E la logra wanta na un baranca cu un man pero no por a wanta bon y a cuminsa bay atras te cu su man a los y e la sigui cay. 
Team di rescate y emergencia a dura dos ora pa rescata Wyatt y inmediatamente a transporta e hoben cu avion pa un hospital na Las Vegas.
Wyatt a keda cu nuebe fractura na su columna, un pulmon colapsa, conmocion celebral, e la fractura un man y desloca un dede. 
E tata, Brian Kauffman a expresa cu nan ta agradecido y afortuna di por hiba nan yiu cas den auto y no den un caha di morto.
Wyatt a ricibi un T-shirt cu ta bisa “I survived!” for di hospital y e tata a publica un potret di su yiu den rolstoel riba facebook unda e la scirbi ‘HE’S OUT!!! Still in a fair amount of pain, but, HE’S OUT!” compartiendo su alegria cu tur hende.
Esaki mesora a bira viral y di tur parti di mundo hende a cuminsa desea Wyatt un pronto recuperacion despues di e milager aki.