Señora cu a casa cu fantasma ta divorcia door di comportacion menasante y agresivo.

Brocarde ta un cantante Britanico di 38 aña y na October 2022 e la casa cu Edwardo, un fantasma cu segun e tawata un soldaat cu a fayece shen aña pasa. 
Un anochi Edwardo a presenta den camber di Brocarde y cinco luna despues cu nan a conoce otro nan a dicidi di casa. 
Brocarde a hasi un ceremonia riba e anochi di halloween na un kapel abandona unda bibo y morto tawata bon bini pa celebra nan amor. 
Prome cu esaki Brocarde no tawata kere den fantasma pero e la conta cu e la mira Marilyn Monroe, Enrique VIII y Elvis Presley presente na e ceremonia.
Sinembargo e mesun anochi aki Edwardo a expresa cu Marilyn tawata “mustra sexy” y e comentario aki a daña e anochi. 

Nan relacion tawata turbulento desde un principio como cu Edwardo tawata menasante, agresivo y na otro momento e tawata intenso.
Cu tempo Brocarde a cuminsa cansa di ta cu e fantasma aki ya cu e tawata inconsistente y casi no tawata presente.
Segun Brocarde, su pareha tawata tin un fascinacion cu e actriz Marilyn Monroe y e tawata disparce pa dia nan largo y ora e regresa e tawata trece un holo fuerte di e perfume favorito di e actriz aki.
Despues di sinti cu e no ta respeta door di su pareha e la dicidi di contrata un psikico pa purba soluciona su problema nan di pareha. 
Esaki no a funciona y a resulta pio como cu Edwardo a bira furioso y a cuminsa tormenta Brocarde cu sonido nan horribel, entre otro grito nan di un baby cu ta yora. 
Como resultado cu Brocarde a dicidi di divorcia y a someti na un exorcismo na e mesun kapel na unda e la casa. 

Despues di su divorcio Brocarde a expresa cu actualmente e ta hopi mas feliz y awor e ta buscando un pareha nobo. 
“Mi no a sinti Edwardo su presencia ni wak e mas y ful e energia den mi cas a cambia. Awor mi bida ta sinti mas trankil y alegre.”