Wela 56 aña ta bay duna luz na su nieto.

​

Nancy Hauck di 56 aña, a sorprende e comunidad di Utah, ora cu el a dicidi di carga su mesun nieto den su bariga. E motibo cu Nancy a dicidi di haci esaki ta, door cu su nuera di 30 aña, no por carga yiu. Nancy tabata preocupa pa su famia y a ofrece di haci esaki pa su yiu y nuera. Nancy a indica cu el a wak su nuera ta sufri masha, door cu no por haya yiu. Mas cu claro e wela mester a haci varios examen prome, pa wak si e tabata e candidato corecto pa funciona como un sustituta (surrogate). Despues di a haci tur e procedimento aki, danki Dios tur cos a sali bon y e yiu y su casa, porfin lo por tin nan yiu tanto desea.