Homber ta asesina un influencer cu ta prometido di su ex pareha riba caya dilanti multitud di hende.

Un crimen pasional: Homber ta asesina prometido di su ex pareha y despues ta pone fin na su mesun bida.

Un tragedia a sosode na Poznan, Polonia pafo di ‘NH Hotel’ cu ta un zona hopi popular y turistico.

Algun siman atras Konrad Domagala di 30 aña y Julia Harmacilska di 20 aña a anuncia nan compromiso riba red social y a decidi di bay celebra esaki.

E ex-pareha di Julia, Mikolaj Bachosz di 31 aña, no por a acepta cu nan relacion a termina y mucho menos cu su ex a compromete cu un otro persona.

Mikolaj tawata sufri di problema mental y a laga su rabia y jaloezie tuma control.

E la presenta pafo di e luga na unda cu Julia y Konrad tawata celebrando y a tira Konrad den su cara.

Julia a drenta den un estado di panico y no por a reacciona di otro forma cu no ta gritando pa auxilio mientras e ta mira su pareha sangrando riba vloer.

Mikolaj a purba papia cu Julia y na momento cu Julia a cuminsa grita e la bolbe tira Konrad.

Despues e la kita algun di su pertenencia nan, e la dal algun stap patras y a tira su mes den su cabes.

Medico nan a purba di hasi tur cos posibel pa salba e bida di Konrad pero lastimamente e la fayece algun rato despues.

Mikolaj a fayece inmediatamente na e sitio.

Camara di seguridad a graba e incidente y e video impactante aki a bira viral.

Konrad tawata un influencer hopi popular y stima na Polonia y e ta keda recorda como e homber positivo y yen di energia cu e tawata.

Sinembargo e incidente aki ta keda un noticia tristo y lamentabel.