Victor Rosa a pasa di bende empana dilanti stadion pa firma cu San Diego Padres.

Victor Emannuel Lazara Rosa ta un hoben cu for di chikito mester a traha pa yuda cu gasto di cas. E entrada cu e tawata genera mester a cubri tur gasto di cas y su gastonan di scol.

Bibando den un famia di 5 den un cas di tabla cu un camber den un bario humilde na Republica Dominicana, Victor tawata bende empena durante siman dilanti un hospital y den fin di siman dilanti un stadion di baseball.

Victor ta hunga baseball for di chikito pa varios team di su bario. E semper a destaca como lansador (pitcher). Cu e plaka cu ela gana bendiendo empana dilanti e stadion Quisqueya ela inscirbi pa un kamp di baseball. Durante e kamp ey scout di e team di San Diego Padres tawata presente y a keda asombra cu e talento di e hoben. Corto tempo despues a firma e hoben pa hunga baseball profesional pa organisacion di San Diego Padres.

San Diego Padres tin dos team den liga Dominicana cu ta Los Padres Gold y Los Padres Brown.

Cu e contract aki Victor di 20 aña lo por gana for di entre 4500$ pa 11.000$ pa luna. Cu esaki e no mester bende empana mas dilanti stadion y por uza su talento pa baseball pa yuda su famia financieramente.